Чек-ап дегеніміз не?
Чек-ап — бұл бойында ешқандай ауру белгілері байқалмаған, бірақ болашақта сырқатқа әкеп соғуы мүмкін проблемаларды анықтап, алдын алу шараларын жасау үшін жүргізілетін жалпы әрі кешенді медициналық тексеру. Ол әсіресе өлім қаупі жоғары ауруларды ерте кезеңде анықтап, емдеуде маңызды рөл атқарады.
Чек-ап өмірді құтқарады
Ауруханамыздың Чек-ап бағдарламасы — сіздің денсаулық жағдайыңыз туралы толық мәлімет беретін және терапевт (ішкі ағза ауруларының маманы) дәрігердің бақылауымен өтетін бағдарлама. Біздің Чек-ап тексерулеріміздің нәтижесінде ауруханамызда көптеген емделушіге дер кезінде (ерте) диагноз қойылып, емдеу шаралары сәтті жүргізілді және олардың қалыпты өмірге оралуы қамтамасыз етілді.
Чек-аптың негізгі мақсаты не?
Адамның өмір сүру сапасына тікелей әсер ететін жүректің ишемиялық ауруы, қатерлі ісік (рак), гипертония, жоғары холестерин және қант диабеті сияқты қауіпті топқа жататын ауруларды, сондай-ақ басқа да сырқат түрлерін ерте анықтап, қажетті алдын алу шаралары мен емдеу әдістерін қолдану болып табылады.
Чек-аптан өту міндетті ме?
Чек-аптан өту міндетті емес. Бірақ денсаулығымыз шынымен маңызды болса, ауырып ем іздегенше, ауырмай тұрып Чек-ап бағдарламаларынан өтіп тұрудың маңызы зор.